ජිනීවා යෝජනාවලිය සම්මත වීම බටහිර කුමණ්ත්‍රණයක් නොව එය ලංකාවේ වින්දිතයින්ගේ ජයග්‍රහණයක් බව මානව හිමිකම් ක්‍රියාකාරිනි සන්ධ්‍යා එක්නැළිගොඩ පවසයි.
"මේ රටේ අවුරුදු ගණන් යුක්තිය හොයමින් අරගල කරන වින්දිතයින් ඉන්නේ උතුරේ ද දකුණේ ද මේ සියලුම දෙනා, විශේෂයෙන්ම මේ එක්සත් ජාතීන්ගේ සංවිධානයේ ක්‍රියාවලිය සිද්ධ වෙන්නේ උතුරේ අරගලයත් එක්ක කියන එක අපිට අමතක කරන්න බැහැ. මොකද ඒකෙදි විශාල දායකත්වයක් උතුරේ මව්වරු ලබා දුන්නා ඒ අයගේ අරගලය තුලින් එක්සත් ජාතීන්ගේ සංවිධානය තුල ක්‍රියාත්මකවන ක්‍රියාකාරකම්වලට.
ඒ යෝජනාවලි දිගුවේ එකක් තමයි මේ 2021 දී සිද්ධ වෙන යෝජනාවලියත්. මේකෙන් මං දකිනවා, හෙට දවසේ කුමක් සිද්ධ වෙයි ද කියලා කියන්න බැරි වුනත් මං බලාපොරොත්තු වෙනවා, එක්සත් ජාතීන්ගේ සංවිධානයට පුළුවන් වේවි මේ රටේ අධිකරණවලින් යුක්තිය ලබා ගන්න බැරි තමන්ගේ මිනිසුන් සොයන වින්දිතයින්ට උතුරේ ද දකුණේ ද සිංහල ද දෙමල ද මුස්ලිම් ද වෙනසක් නැතිව මේ සියලුම වින්දිතයින්ට තමන්ගේ මිනිසුන් පිළිබඳ සත්‍ය සොයා ගන්න සහ යුක්තිය සොයා ගන්න ඒ අයගේ නීත්‍යනුකුල අධිකරණ ක්‍රියාවලියට එක්සත් ජාතීන්ගේ සංවිධානයට මැදිහත් වීමට අවකාශයක් ලැබුනා කියන එක තමයි මම බලාපොරොත්තු වෙන්නේ. ඒ අය මැදිහත්වෙයි කියන විශ්වාසය මා තුල තියෙනවා."