2026 වර්ෂය සඳහා යෝජිත විදුලි ගාස්තු සංශෝධනය සම්බන්ධයෙන් මහජනතාවගේ අදහස් හා යෝජනා ලබා ගැනීම අද (25) සිට ආරම්භ කරන බව මහජන උපයෝගිතා කොමිෂන් සභාව පවසයි.
එහි අධ්යක්ෂ ජයනාත් හේරත් පැවසුවේ, මාර්තු 18 දින දක්වා මේ සඳහා විදුලි පාර්භෝගිකයින්ට අවසථාව හිමි වන බවය.
මේ අතර වාචික අදහස් ඉදිරිපත් කිරීම සඳහා පළාත් 9 ආවරණය වන පරිදි ස්ථාන 5කදී අවස්ථාව හිමිවේ.
එහි පළමු වැන්න අම්පාරේ දී මාර්තු 7 වෙනිදා පැවැත්වේ. ඉන් අනතුරුව වව්නියාවේදී මාර්තු 11 වෙනිදා, මාතලේ දිස්ත්රික්කයේ දී මාර්තු 12 වෙනිදා, හම්බන්තොට දී මාර්තු 16 සහ අවසාන වාචික උපදේශනය මාර්තු 18 වෙනිදා පැවැත්වීමට නියමිතය.
ඉන් අනතුරුව යෝජනා සියල්ල සැලකිල්ලට ගෙන කොමිෂන් සභාවේ තීරණය ප්රකාශයට පත්කිරීමට කටයුතු කරනු ඇත.
මේ අතර විදුලි බල මණ්ඩලය ප්රතිව්යූහගත කිරීමේ ක්රීයාවලිය නිසි පරිදි සිදුකිරීමට ආණ්ඩුව පියවර නොගැනීම හේතුවෙන් ඉදිරියේදී වෘත්තීය ක්රියාමාර්ගවල නිරත වීමට පියවර ගන්නා බව ලංකා විදුලිබල මණ්ඩලයේ කාර්මික ශිල්පීන්ගේ සංගමය පවසයි.
එහි සභාපති කෝසල අබේසිංහ සඳහන් කළේ, වෘත්තීය ක්රියාමාර්ග සම්බන්ධයෙන් වන අවසන් තීරණය අද ගැනීමට නියමිත බවය.